قصة حدثة مع فتاة في الصف السادس

قصتي هذي صارت لي لما كنت بالابتدائي..بالصف السادس

وابطال القصه... انا وبنتين من صديقاتي ..وما اخفي عليكم طبعا(اللقافه)من اهم

اسباب.. او هي بالاحرى السبب الرئيسي للي صار لنا..

ومن غير مااطول عليكم....

.........



في يوم من ايام الاختبارات النهائيه كنا ليسا طالعين من الامتحان وزي ماتعرفون

بعد الامتحان الناس تطلع بدري للبيت..فتكون المدرسه فاضيه..وحنا كنا نلعب في الساحه الخلفيه للمدرسه

واثناء لعبنا شفنا شنطه بعيده على جدار المدرسه الخلفي وماكان فيه غيرها بكل الساحه..

وطبعا هنا اشتغلت (اللقافه)..وحبينا نشوف ليش صاحبة الشنطه موزيتها هنا..

وفعلا..رحنا وطيرنا العبايه اللي كانت على الشنطه وفتحناها بحذر شديد وكأننا كناحاسّين باللي فيها

وكانت المفاجأه...ماتتوقعون ايش لقينا جو الشنطه..

مسدس... تخيلو مسدس في شنطة طالبة مدرسه ابتدائيه

احنا هنا مو مصدقين وعلشان نتأكد طلعنا المسدس وفتحناه...قلنا يمكن يكون لعبه

لكنه كان ثقيل مررره لدرجة انه كل واحده فينا شالته شوي حتى نتأكد وفعلا طلع حقيقي..

وهذا كان اول تعرف لي بالمسدس شخصيا وعن قرب..ولو تشوفون اشلون احنا اصلا فتحنا الشنطه

كل شي بمكان العبايه بجهه..والشنطه بجهه..والاغراض اللي فيها بجهه <<متأثره بالافلام

وياليتنا هربنا...الا بالعكس قعدنا نفكر بطريقه نعرف فيها مين البنت هذي..وليش سوّت كذا..؟؟!!

وكنا محتارين ايش نسوي بالمسدس...وخطرت لي فكره جهنميه<<< وقتها كانت كذا نظرا لصغر عمري حينها

رحنا ودفناه في الحديقه بمكان ماحد يعرفه غيرنا..وحاولنا مانخلي بصماتنا عليه <<< على بالها كلمبو ..

وجلسنا في نفس الساحه لكن بمكان بعيد عن الشنطه...ليش؟؟!!

ننتظر صاحبة الشنطه..علشان نتفاهم معاها

طبعا..كنا واثقين من انفسنا من قدنا شلة سادس ابتدائي..وحنا ثلاث بنات...

اكيد ماراح تقدر علينا لحالها...<<<حلوه الثقه بالنفس

وبعد ماراح علينا يمكن حوالي ساعه الا ربع او نصف الساعه ماني متذكره بالضبط..

لاننا كنا مرّه متحمسين نشوفها...وكانت اعصابنا فايره ونهدد ونتوعد..

وراح نوريها ومو على كيفها وهذا مايصير... ومن هالكلام...

وفجأه شفناها .... وياليتنا ما شفناها

.
.
.
.

النهايه



.
.
.
.
.



ههههههههه قهرتكم صح ههههههههه


العب عليكم .... ليسا فيه بقيه للقصه..لكن انا حبيت أجزّئها على جزئين...

علشان اعرف اذا انها مشوّقه والا... لأ

ولاني تعبت وانا اكتبها <<< حشى ديوان مو قصه


..
..
..
القاكم في الجزء الثاني